కంటికి మేలు (యోగా): Useful info: Read completely

సర్వేంవూదియానాం నయనం ప్రధానం అన్నారు పెద్దలు. కళ్లకు ఉన్న ప్రాధాన్యత ఏంటో ఈ సూక్తిని బట్టి మనకు అర్థం అవుతుంది. మారిన జీవన విధానంతో ... ఇంట్లో ఉన్నప్పుడు టీవీ ముందో, ఆఫీస్‌లో కంప్యూటర్ ముందో ఎక్కువ సేపు కూర్చోవడం తప్పనిసరి అవుతున్నది. పెద్దల మాట అటుంచితే... పిల్లలు ఆడుకోవడం కూడా కంప్యూటర్స్‌తోనే కావడంతో... కళ్లు విపరీతమైన అలసటకు గురవుతున్నాయి. టీవీ, కంప్యూటర్ స్క్రీన్‌లను రెప్పవేయకుండా చూడటం వల్ల చూపు మందగించే ప్రమాదం ఉంది. అయితే... కొన్ని యోగా ప్రక్రియల ద్వారా ఈ ప్రమాదాన్ని నివారించవచ్చు.
త్రాటక క్రియ
పద్మాసనంలోకానీ, వజ్రాసనంలోకానీ ధ్యానం చేసే విధంగా కూర్చోవాలి. వెన్నెముక నిటారుగా ఉండాలి. కళ్లకు సమానమైన ఎత్తులో కొద్ది దూరంలో దీపం లేదా క్యాండిల్ ఉంచాలి. కళ్లు రెప్పవేయకుండా క్యాండిల్ వైపు చూడాలి. (పూర్వం / ఇప్పుడు మనం వెలిగించే కార్తీక దీపాల వెనుక ఈ ఉద్దేశ్యం ఉందేమో... ) కళ్లు మండటం లేదా నీళ్లు వచ్చినట్టు అనిపిస్తుంది. అయినా రెప్పవేయకుండా అలాగే చూస్తూ ఉండాలి. కన్నీరు ఒకసారి కారిన తరువాత నెమ్మదిగా కళ్లు మూసుకుని కొద్దిసమయం పడుకోవాలి.

ఉపయోగాలు :
- కన్నీటి గ్రంథులు జాగృతం అవుతాయి.
- దృష్టి లోపాలు సరి అవుతాయి.
- ఏకాక్షిగత పెరుగుతుంది.
- మెడి పనిచేసి మనసును శాంతపరుస్తుంది.
- మానసిక నిగ్రహం అలవడుతుంది.
జాగ్రత్తలు :
- ముందు పది సెక్లతో మొదలుపెట్టాలి.
- ఇది చేసిన తరువాత తప్పక రిలాక్స్ అవ్వాలి. లేకపోతే తలనొప్పి వచ్చే అవకాశం ఉంది.
- ఎక్కువగా టీవీ చూడటం లేదా కంప్యూటర్ వాడకం వల్ల వచ్చే రెప్పలు వాల్చడం బాగా తగ్గుతుంది.
1. వజ్రాసనంలో నిటారుగా కూర్చొని రెండు చేతులను ఇరువైపులకు చాపాలి. పిడికిలి బిగించి, బొటనవేలును మాత్రమే పైకి లేపాలి. ఇప్పుడు శ్వాస తీసుకుని .. శ్వాస వదులుతూ మెడ ఏమాత్రం కదలకుండా కళ్లను మాత్రమే కదిల్చి కుడి బొటనవేలివైపు చూడాలి. ఐదు సెకన్లపాటు ఉంచి, తిరిగి కళ్లను యథాస్థానానికి తీసుకురావాలి. ఇలా ఐదుసార్లు ఎడమవైపు, ఐదుసార్లు కుడివైపు చేయాలి.
2. కాళ్లను ముందుకు చాచి నిటారుగా కూర్చోవాలి. ఇప్పుడు పిడికిలి బిగించి బొటన వేలు ఎత్తి ఎడమ చేతిని ముఖానికి ఎదురుగా, కుడి చేతిని భుజానికి సమాంతరంగా తీసుకురావాలి. ఇప్పుడు ముందుకు తెచ్చిన ఎడమచేతి బొటనవేలు వైపు చూడాలి. ఐదు సెక్లపాటు ఉంచి, తిరిగి కళ్లు యథాస్థానానికి తీసుకురావాలి. ఐదు సార్లు చేయాలి. ఇదేవిధంగా కుడిచేతితోనూ చేయాలి.
3. ముందుకు కాళ్లు చాచి నిటారుగా కూర్చోవాలి. ఎడమ చేతిని, ఎడమ తొడపై ఉంచి కుడిచేతిని 45 డిగ్రీల కోణంలో చాచి, పిడికిలి బిగించి బొటనవేలును పైకి ఎత్తాలి. ఇప్పుడు మెడ కదిలించకుండా కళ్లను మాత్రమే కదిలిస్తూ కుడిచేతి బొటనవేలుని చూడాలి. ఐదు సెకన్లు చూసిన తరువాత తిరిగి కళ్లను యథాస్థానానికి తీసుకురావాలి. ఇలా ఐదుసార్లు చేయాలి. ఎడమవైపు కూడా ఇదే పద్ధతిలో చేయాలి.
పామింగ్
సూర్యోదయం సమయంలో కానీ, సూర్యాస్తమం సమయంలో లేత ఎండలో సూర్యునికి ఎదురుగా నిల్చొని కొన్ని సెకన్లపాటు సూర్యున్ని చూడాలి. తరువాత రెండు చేతులను కొద్దిగా రబ్ చేసి.. కళ్లమీద మసాజ్‌లాగా చేయాలి. ఇలా చేయడంవల్ల కంటిచుట్టూ ఉన్న నరాలమీద ఒత్తిడి పెరిగి కంటి చూపు స్థిరంగా ఉంటుంది.