గుండె జబ్బుతో బాధపడే వారు రోజూ బీట్‌రూట్‌ జ్యూస్‌ తాగితే మంచిది. అంతేకాదు దీనివల్ల కండరాలు బలంగా తయారవుతాయనే విషయం ఇటీవల జరిపిన ఓ అధ్యయనంలో వెల్లడైంది. ‘‘మా అధ్యయనంలో ఆశ్చర్యకరమైన విషయాలు వెల్లడయ్యాయి. హార్ట్‌ఫెయిల్యూర్‌ పేషెంట్లకు బీట్‌రూట్‌ జ్యూస్‌ తాగించిన రెండు గంటల తరువాత కండరాల శక్తిలో మార్పు కనిపించింద’’ని పరిశోధనలో పాల్గొన్న ప్రొఫెసర్‌ లిండా పీటర్సన్‌ అన్నారు. బీట్‌రూట్‌ జ్యూస్‌లో అధికమోతాదులో ఉండే నైట్రేట్‌ కండరాలకు శక్తినిస్తుంది. గతంలో అథ్లెట్స్‌పై జరిపిన అధ్యయనంలోనూ డైటరీ నైట్రేట్‌ కండరాల పనితీరును పెంచినట్లు వెల్లడైంది. నైట్రేట్‌ రక్తనాళాలను రిలాక్స్‌ చేయడమే కాకుండా జీవక్రియలపైన ప్రభావం చూపుతున్నట్లు నిర్ధారణకు వచ్చారు. బీట్‌రూట్‌ జ్యూస్‌ తాగడం వల్ల హార్ట్‌రేట్‌ పెరగడం, రక్తపోటు పడిపోవడం వంటి దుష్ప్రభావాలు లేవంటున్నారు పరిశోధకులు.
No comments:
Post a Comment